فیصل آباد میں معروف ماڈل کو بھائی نے غیرت کے نام پر قتل کردیا۔ پولیس نے ملزم کو گرفتار کرلیا۔ واقعہ اوکاڑہ کے گاؤں میں پیش آیا، جہاں نواحی گاؤں ميں ماڈل سدرہ کو غیرت کے نام پر قتل کیا گيا۔ سدرہ عيد منانے فيصل آباد سے آبائی گاوں آئی تھی۔ واقعہ گزشتہ رات جمعرات کو پیش آیا۔
پوليس نے قتل کے الزام ميں سگے بھائی کو گرفتار کرليا ہے، جب کہ سدرہ کی لاش اسپتال ڈی ایچ کیو اوکاڑہ منتقل کردی گئی ہے۔ اہل محلہ کے مطابق والدین جب گھر پر پہنچے تو انہیں سدرہ کے قتل کی اطلاع ملی، جس پر فوری طور پر پولیس کو طلب کیا گیا، آلہ قتل سے متعلق پولیس کا کوئی بیان سامنے نہ آسکا۔
قتل کے وقت مقتولہ کے والدین گھر پر موجود نہیں تھے۔ یہاں یہ بات بھی قابل ذکر ہے کہ سدرہ گزشتہ 2 سال سے ماڈلنگ کے پیشے سے وابستہ تھی، جس پر والدین کو اعتراض نہیں تھا، تاہم بھائی اکثر خائف رہتا تھا۔ ماڈلنگ کے سلسلے میں مقتولہ سدرہ فیصل آباد میں رہتی تھی اور گزشتہ روز ہی اہل خانہ کے ہمراہ عید منانے آبائی گاؤں آئی تھی۔
ایک تبصرہ شائع کریں