فاسٹ فوڈ تیار کرنے والوں کے لئے لے جائی جانے والی 12من مردہ مرغیوں کا گوشت پکڑا گیا
اوکاڑہ: حجرہ شاہ مقیم کے علاقے کوٹ شیر خاں میں 12 من مردہ مرغیوں کا گوشت پکڑا گیا۔ پولیس اور محکمہ لائیو اسٹاک کی مشترکہ کارروائی میں 12 من مردہ مرغیوں کا گوشت ضبط کرلیا گیا۔ پولیس کا بتانا ہے کارروائی کے دوران 2 ملزمان راشد اور وسیم شہزاد کو گرفتار کرکے مقدمہ درج کر لیا گیا ہے۔ پولیس کے مطابق مضر صحت برائلر گوشت چکن شوارما،برگر اور فاسٹ فوڈ والوں کو سپلائی کیا جانا تھا۔ دوسری جانب وٹرنری ڈاکٹر کے مطابق مضر صحت گوشت کھانے سے وبائی امراض پھیل سکتے تھے۔
ایک تبصرہ شائع کریں