عدالت نے اسلام آباد کی فلیٹ میں لڑکا اور لڑکی کو جنسی تشدد کا نشانہ بنانے اور بلیک میل کرنے سے متعلق کیس کا فیصلہ سنا دیا ہے ، فاضل جج نے عثمان مرزا سمیت پانچ ملزمان کو عمر قید کی سزا سنا دی ۔
تفصیلات کے مطابق اسلام آباد کی سیشن عدالت کے جج عطا ربانی نے کیس کا فیصلہ سنایا ،عدالت نے عثمان مرزا، ادارس قیوم بٹ ، محب خان ، عطاالرحمان اور فرحان شاہین کو عمر قید کی سزا کا حکم سنا دیاہے جبکہ شریک ملزمان عمر بلال اور ریحان کو بری کر دیا گیاہے ۔
عثمان مرزا کیس کا اسپیڈی ٹرائل ساڑھے 5 ماہ میں مکمل ہوا۔اٹھائیس ستمبر 2021 کو مرکزی ملزم عثمان مرزا سمیت 7 ملزمان پر فرد جرم عائد ہوئی تھی۔ چھ جولائی2021 کو ویڈیوز سوشل میڈیا پر وائرل ہونے کے بعد کیس شروع ہوا۔
ایک تبصرہ شائع کریں