اسلام آباد: عالمی سوشل میڈیا ٹیکنالوجی ادارہ میٹا (Meta) نے پاکستان میں خواتین کیلئے سائبر دنیا میں انکی حفاظت سے متعلق دو نئے اقدامات کا اعلان کیا ہے۔ ان اقدامات میں آن لائن سیفٹی گائیڈ (Online Safety Guide)اور اسٹاپ این سی آئی آئی (StopNCII)(غیررضامندانہ نامناسب تصاویر) شامل ہیں۔ یہ اہم حفاظتی ایڈوائزری انگریزی اور اردو دونوں زبانوں میں دستیاب ہے جس کا مقصد سوشل میڈیا صارفین کے آن لائن رویوں میں ذمہ داری اور ڈیجیٹل خواندگی میں اضافہ لانا ہے۔ اس طرح یہ خواتین کو کسی رکاوٹوں کے بغیر جوڑنے اور اظہار کے لئے بحفاظت انداز سے آن لائن اسپیس پیدا کرنا ہے۔
یہ حفاظتی گائیڈ اب میٹا کے حفاظتی مرکز میں دستیاب ہے جو جدید ڈیجیٹل دنیا کے چیلنجز سے صارفین کو تیار کرنے سے متعلق کمپنی کی کاوشوں کا حصہ ہے۔ پاکستان میں کروڑوں لوگ میٹا کے پلیٹ فارمز استعمال کرتے ہیں اور اپنی مشترکہ دلچسپیوں کے اظہار کا عمل آگے بڑھاتے ہیں۔ تاہم، یہ ہمیشہ سے بہتر رہتا ہے کہ آن لائن ہراسگی، غیرمطلوب پیغامات، جعل سازی و مجرمانہ سرگرمیوں سے متعلق وہ مسائل سے باخبر رہیں۔
میٹا نے خواتین کے خلاف آن لائن جرائم سے نمٹنے کے لئے پالیسیاں اور سسٹمز کو فعال رکھا ہے، اس سلسلے میں آگہی پروگرامز سے بھی معاونت کی جاتی ہے تاکہ دھوکے بازوں اور جعل سازوں کے خلاف روک تھام میں وہ بااختیار ہوسکیں۔
موسمیاتی تبدیلیوں کے اثرات براہِ راست ملکی معیشت پر پڑتے ہیں۔ رزاق داؤد
اس حفاظتی گائیڈ میں فیس بک، انسٹاگرام اور واٹس ایپ پر دستیاب سیفٹی سے متعلق ٹولز موجود ہیں اور اسکی بھی وضاحت کی گئی ہے کہ خواتین کس طرح انٹرنیٹ بحفاظت انداز سے استعمال کرسکتی ہیں اور جعل سازوں سے محفوظ رہ سکتی ہیں۔
سیفٹی پر توجہ دینے کے ساتھ اسٹاپ این سی آئی آئی کو میٹا کے ماہرین کی رہنمائی اور عالمی فلاحی شراکت دار 'یوکے ریوینج پورن ہیلپ لائن 'کے اشتراک سے سرمایہ فراہم کیا جارہا ہے تاکہ بغیر رضامندی والی نامناسب تصاویر بھیجنے کو روکا جائے جسے عام طور پر انتقامی پورن بھی کہا جاتا ہے۔ اسٹاپ این سی آئی آئی ڈاٹ آرگ عالمی سطح پر موجود ہے اور علاقائی شراکت داروں کے ذریعے لوگوں کو خدمات پیش کرتی ہے جن کی بدولت مقامی متاثرین کو رہنمائی حاصل ہوتی ہے۔ یہ نامناسب تصاویر اور ویڈیوز کو آن لائن پھیلنے سے روکنے کے لئے جدت انگیز ٹیکنالوجی استعمال کرتی ہے۔
میٹا نے مقامی سطح پر اسٹاپ این سی آئی آئی کو اردو پورٹل میں منتقل کیا ہے جس کی بدولت صارفین اپنی آن لائن حفاظت اور رازداری سے متعلق تحفظات کے لئے تحقیقات کی شروعات کیلئے استعمال کرسکتے ہیں۔ ایک بار جب تحقیقات کا آغاز ہوجاتا ہے تو پھر میٹا فعال انداز سے نامناسب تصاویر اور ویڈیوز کا پھیلاؤ روکنے کے لئے اسے بلاک کردیتا ہے۔ اس ٹیکنالوجی میں اس شخص کی ڈیوائس سے تصاویر ہٹانے کی ضرورت ہی نہیں ہوتی۔ اسکے بجائے محض ہیش ٹیگ یا اعداد پر مشتمل کوڈ پلیٹ فارم کے ساتھ شیئر کیا جاتا ہے۔ یہ پورٹل خواتین کی رہنمائی سے متعلق معاونت کے لئے متاثرین، ماہرین، مشاورت فراہم کرنے والوں اور میٹا کے ٹیک پارٹنرز کی معلومات کو بھی یکجا کرتا ہے۔
پاکستان میں میٹا کے شراکتی ادارہ، ڈیجیٹل رائٹس فاؤنڈیشن (ڈی آر آیف) نے اردو میں اسٹاپ این سی آئی آئی پورٹل متعارف کرانے کے ساتھ ساتھ ایک آن لائن پروگرام کا انعقاد کیا۔ اس پروگرام کے شرکاء میں سول سوسائٹی کے اداروں کے نمائندے، میٹا کے علاقائی ماہرین، ڈیجیٹل ماہرین اور انسانی حقوق کے ماہرین شامل تھے۔
خواتین اور سوشل میڈیا پر آسانی سے نشانہ بننے والے صارفین میٹا کے خصوصی سیفٹی مرکز (Safety@Facebook) استعمال کرسکتے ہیں جو اردو زبان میں بھی دستیاب ہے تاکہ انہیں آن لائن اسپیس کے بحفاظت استعمال کے لئے ضروری معلومات اور سیفٹی ٹولز کی رسائی میسر ہو۔
ایک تبصرہ شائع کریں