میرے خطاب سے پہلے عوام کو پٹرول کی قیمت کم کرنے کی خوش خبری کیوں سنائی؟ وزیراعظم پرویز خٹک سے ناراض
اسلام آباد : وزیر اعظم عمران خان نے وزیر دفاع پرویز خٹک سے ناراضی کا اظہارکیا ہے۔ ذرائع کا کہنا ہے کہ وزیراعظم نے پرویز خٹک سے ناراضی کا اظہار کرتے ہوئے کہا ہے کہ ’میرے خطاب سے پہلے عوام کو خوش خبری کیوں سنائی؟‘
’آپ کو وزیراعظم ہم نے بنوایا‘، پرویز خٹک اور عمران خان کے درمیان تلخ جملوں کا تبادلہ
ذرائع کے مطابق وزیراعظم نے مزید کہا کہ جب سب کو منع کیا تھا تو پھر آپ کو یہ بیان دینے کی کیا ضرورت تھی؟ ذرائع کے مطابق وزیراعظم عمران خان نے پرویز خٹک کو اس حوالے سے اپنا پیغام بھجوا دیا ہے۔ خیال رہے کہ وزیراعظم نے بجلی اور پیٹرول کی قیمتوں میں کمی کے حوالے سے اعلان اپنے خطاب میں کرنا تھا لیکن پرویز خٹک نے وزیراعظم کے خطاب سے پہلے ہی تقریر میں سب بتا دیا تھا کہ وزیراعظم پیٹرول کی قیمت 10 روپے کم کرنے والے ہیں۔
ایک تبصرہ شائع کریں