عامر لیاقت نے 18 سال کی لڑکی سیدہ دانیہ شاہ سے تیسری شادی کر لی۔ ٹوئٹر پر انکشاف
کراچی(ویب ڈیسک+این این آئی) پی ٹی آئی رہنما اور ٹی وی کی معروف شخصیت ڈاکٹر عامر لیاقت حسین تیسری بار شادی کے بندھن میں بندھ گئے۔میڈیا رپورٹس کے مطابق عامر لیاقت نے اپنے انسٹاگرام پر اپنی تیسری بیوی سیدہ دانیہ شاہ کے ساتھ تصویر شیئر کی۔
عامر لیاقت کے مطابق لڑکی کی عمر صرف 18 سال ہے۔عامر لیاقت نے لکھا کہ' گزشتہ روز 18 سالہ سیدہ دانیہ شاہ سے شادی ہوئی، ان کا تعلق لودھراں، جنوبی پنجاب کے ایک معزز نجیب الطرفین "سعادت" خاندان سے ہے، میں اپنے تمام خیر خواہوں سے درخواست کرنا چاہتا ہوں، برائے مہربانی ہمارے لیےدعا کریں۔ اس سے قبل پاکستان تحریک انصاف کے رہنما و رکن قومی اسمبلی عامر لیاقت سے علیحدگی سے متعلق سیدہ طوبیٰ انور کا مؤقف سامنے آیا۔
مائیکرو بلاگنگ سائٹ ٹوئٹر پر اپنے پیغام میں طوبیٰ انور نے لکھا کہ میں بوجھل دل کے ساتھ اپنی زندگی میں آنے والی ایک تبدیلی کے حوالے سے تمام لوگوں کو آگاہ کرنا چاہتی ہوں جس سے میری فیملی اور قریبی دوست آگاہ ہیں، وہ یہ کہ 14 ماہ کی علیحدگی کے بعد یہ بات صاف تھی کہ اب مفاہمت اور صلح کی کوئی امید نہیں بچی لہٰذا مجھے خلع لینے کے لیے عدالت سے رجوع کرنے کا فیصلہ لینا پڑا۔طوبیٰ نے مزید کہا کہ 'میں نہیں بتا سکتی کہ یہ عرصہ میرے لیے کتنا مشکل تھا تاہم مجھے اللّٰہ اور اس کے فیصلوں پر یقین ہے۔ میری آپ سب سے اپیل ہے کہ اس مشکل وقت میں میرے فیصلے کا احترام کریں۔
ایک تبصرہ شائع کریں