فیڈرل بورڈ آف ریوینیو (ایف بی آر) نے پی آئی اےکے منجمدبینک اکاؤنٹس بحال کر دیئے
لاہور: فیڈرل بورڈ آف ریونیو (ایف بی آر) نے قومی ایئرلائن کے منجمد کیے گئے اکاؤنٹس کو بحال کردیا ہے ۔ تفصیلات کے مطابق سی ای او پاکستان انٹرنیشنل ائیرلائنز کی یقین دہانیوں پر ایف بی آر نے فوری اقدام کرتے ہوئے پی آئی اے کے منجمد کیے گئے اکاؤنٹس کو غیر منجمد کر دیا۔ یہ پیش رفت سی ای او پی آئی اے ارشد ملک کی چیئرمین ایف بی آر ڈاکٹر اشفاق کے درمیان ہونے والی ملاقات کے بعد سامنے آئی ہے۔
اکاؤنٹس منجمد کئے جانے پر قومی ایئر لائن کے ترجمان نے ایف بی آر کے فیصلے کو پی آئی اے کی ساکھ مجروح کرنے کی کوشش قرار دیا تھا اور کہا تھا کہ مذکورہ مطلوب ٹیکس کی رقم 2016 سے2020 تک کی ہے، وفاقی کابینہ کا پی آئی اے کے اصلاحاتی عمل کے مکمل ہونے تک 2016 سے لے کر 2020 تک کی رقم منجمد رکھنے کا فیصلہ موجود ہے۔
ارشدملک کا کہنا ہے کہ پی آئی اے نامساعدحالات کے باوجود واجبات ادائیگی کرتی رہےگی بقایاجات ادائیگی کیلئےحکومت سےکابینہ فیصلےکےتحت رہنمائی لی جائے گی۔
واضح رہے کہ ایف بی آر (وفاقی بورڈ آف ریونیو) نے قومی ایئر لائن (پی آئی اے) کے بینک اکاؤنٹس منجمد کر دیئے تھے۔پی آئی اے نے 2 سال سے ٹکٹ پر وصول فیڈرل ایکسائز ڈیوٹی جمع نہیں کرائی جس پر ادارے اکاؤنٹس منجمد کیے گئے۔
ایئر لائن نے فیڈرل ایکسائزڈیوٹی کی مد میں50 اعشاریہ 4 ارب ادا کرنے ہیں۔ ملک بھر میں پی آئی اے کے 50 اکاؤنٹس منجمد کیے ہیں اور اس عمل سے 46 کروڑ 50 لاکھ روپے ریکور کر لیے گئے ہیں۔
ایک تبصرہ شائع کریں