اسلام آباد: پاکستان ٹیلی کمیونی کیشن کمپنی لمیٹڈ (پی ٹی سی ایل) نے اپنے جدید ترین سیکیورٹی آپریشنز سینٹر (ایس او سی) میں نئی سائبر سیکیورٹی خدمات کی فراہمی کا آغاز کیا ہے۔ اس اقدام کا مقصد اپنے کاروباری اور مالیاتی صارفین کو سائبر حملوں سے تحفظ فراہم کرنا ہے۔ ایس او سی پر مبنی حفاظتی نظام صارفین کے ڈیٹا، ڈیجیٹل اثاثوں اور انفراسٹرکچر کو درپیش متعد د اقسام کے سائبر سیکیورٹی خطرات سے محفوظ بنانے کے لیے ایک ڈیجیٹل حفاظتی حصار فراہم کرتا ہے۔
انڈسٹری میں اپنی نوعیت کی اولین پی ٹی سی ایل سائبر سیکیورٹی خدمات کمپنی کے قابل ذکر ڈیجیٹل پورٹ فولیو میں ایک نیا اضافہ ہے اور پورے ایکو سسٹم کے ساتھ یہ اعلیٰ ترین کارکردگی کا حامل انٹیگریٹڈ سائبر سیکورٹی پلیٹ فارم ہے۔ یہ نظام ایپلی کیشنز، کوڈ، پورٹس، سرورز اور ویب سائٹس کے ساتھ ساتھ سسٹم کی غیرمجاز رسائی کے پوائنٹس سمیت بیرونی ڈیجیٹل حملوں پر مسلسل اور قابل بھروساسیکیورٹی کی صلاحیت فراہم کرتا ہے۔ اس کے علاوہ صارفین کو جامع حفاظت کی فراہمی کے لیے،ڈیٹا کی باسہولت ترسیل، شفافیت کے ساتھ ساتھ ہارڈ ویئر، سافٹ ویئر، مختلف نیٹ ورکس پر ایکس ایز اے سروس، اینڈ پوائنٹس اور کلاؤڈ کی گرانیولر کنٹرول کی سہولت بھی میسر ہے۔
یہ بھی پڑھیں: میزان بینک اسٹیٹ بینک کی اسلامک ایس ایم ای آسان فنانس اسکیم کا آغاز کرنے والا ملک کا پہلا بینک بن گیا
اس اہم پیش رفت پر پی ٹی سی ایل اور یوفون کے گروپ چیف انفارمیشن آفیسر، سعد مظفر وڑائچ نے کہا، "سائبر سیکورٹی موجودہ دور میں اداروں کے لئے ایک بڑی اہم ترجیح بنتی جارہی ہے اور ہمارے کاروباری صارفین ہماری محفوظ اور تیزرفتار خدمات پر انحصار کرتے ہیں۔ پی ٹی سی ایل گروپ میں اپنے صارفین کی توقعات پر پورا اترنے کے لئے اپنی سائبر سیکیورٹی سہولیات کو جدید سے جدید تر بنانے کا عمل جاری ہے۔ ہمارے سیکیورٹی آپریشنز سینٹر (ایس او سی) کی سائبر سیکیورٹی خدمات ڈیجیٹل انفراسٹرکچر کے گرد محفوظ حفاظتی حصار قائم کرتی ہیں اور اپنے صارفین کے آپریشنز اور خدمات پر مبنی بلاتعطل کام کو یقینی بنایا جاتا ہے۔ سائبر دنیا میں بدلتے ہوئے خطرات اور مشکلات کے پیش نظر ہم ایک قدم آگے رہنے کے لئے کوشاں رہتے ہیں۔"
پی ٹی سی ایل نے سیکیورٹی آپریشنز سینٹر (ایس او سی) اس لئے قائم کیا ہے تاکہ خود مختارانہ انداز سے خدمات کے انتظام اور صارف کے انفراسٹرکچر کی نگرانی کی جائے گی۔ یہ پلیٹ فارم کاروبارء صارفین کے ڈیجیٹل اثاثوں، ڈیٹا، خدمات اور مصنوعات کو درپیش سائبر خطرات سے تحفظ فراہم کرتا ہے اور سائبر سیکیورٹی انفراسٹرکچر اور اس سے منسلک خریدار کی براہ راست لاگت کے اخراجات میں کمی لانے کے لئے نمایاں تعاون فراہم کرتا ہے۔
ایک تبصرہ شائع کریں