ملالہ یوسفزئی کی شادی ، نکاح کی تصاویرجاری ، شوہر کون ہیں؟ جاننے کے لئے پڑھیں
ملالہ کے شوہر عصر پاکستان کرکٹ بورڈ (پی سی بی) ہائی پرفارمنس سینٹر کے افسر ہیں۔ —فوٹو: ملالہ ٹوئٹر
کراچی (ویب ڈیسک) امن کا نوبیل انعام یافتہ کم عمر پاکستانی طالبہ اور سماجی کارکن ملالہ یوسفزئی نکاح کے بندھن میں بندھ گئی ہیں۔ ملالہ یوسفزئی کے نکاح کی تصاویر سوشل میڈیا پر وائرل ہوگئیں ہیں۔ جس پے ملے جلے تاثرات کا اظہار کیا جارہا ہے۔ اور ملالہ کو مبارک باد دیے جارہے ہیں۔
ملالہ کا شوہر پاکستان کرکٹ بورڈ (پی سی بی) میں ہائی پرفارمنس سینٹر کے افسر ہیں۔
پی سی بی ذرائع کے مطابق ملالہ یوسف زئی کے شوہر عصر ملک پی سی بی میں جنرل منیجر آپریشنز ہیں، عصر ملک نے دو سال پہلے پاکستان کرکٹ بورڈ جوائن کیا تھا۔ ذرائع کا کہنا ہے کہ عصرملک لاہور یونیورسٹی آف مینجمنٹ سائنسز (لمس) کے گریجویٹ ہیں اور ان کا شمار پی سی بی کے قابل افسران میں ہوتا ہے، عصر ملک پی ایس ایل فرنچائز ملتان سلطانز میں بھی جنرل منیجر آپریشنز رہ چکے ہیں۔
ملالہ یوسفزئی نے نکاح کی تصاویر سوشل میڈیا پر شیئر کرتے ہوئے کہا ہے کہ آج میری زندگی کا ایک قیمتی دن ہے، عصر اور میں جیون ساتھی بن گئے ہیں۔
ملالہ کے نکاح کی تصاویر لینے والی فوٹوگرافر ‘ میلن فیزہائی’ ہیں جن کا تعلق سوئیڈن سے ہے جبکہ وہ امریکا میں مقیم ہیں۔ میلن فیزہائی فوٹوگرافر ہونے کے ساتھ ساتھ فلم ساز اور ویژوئل رپورٹر بھی ہیں اس کے علاوہ وہ مشرق وسطیٰ، افریقا، ایشیا اور امریکا کے 30 سے زیادہ ممالک میں کام کر چکی ہیں۔ میلن فیزہائی کے کیریئر کا آغاز ان کے آبائی ملک سوئیڈن سے ہوا، جہاں انہوں نے نیویارک آنے سے پہلے فوٹوگرافی کی تعلیم حاصل کی۔
میلن کو اقوام متحدہ نے سب سہارا افریقی ریجن میں شدت پسندی کے واقعات میں بچنے والے افراد کی تصاویر لینے کی ذمہ داری دی تھی ۔ ان کے شدت پسندی میں بچنے والے افراد کی تصاویر کے مجموعے کو بعد میں ایک کتاب کی شکل دے دی گئی جو ‘SURVIVOR ‘کے نام سے شائع کی گئی ۔ اس کے علاوہ ملین نے 2015 کا ورلڈ پریس فوٹو ایوارڈبھی جیتا اور انہیں فوٹو ڈسٹرکٹ نیوز نے 2015 میں 30 ابھرتے ہوئے فوٹوگرافرز میں سے ایک قرار دیا تھا۔
میلن فیزہائی کی اپنی ایک ویب سائٹ بھی ہے جہاں وہ اپنا کام پوسٹ کرتی ہیں۔
واضح رہے کہ 2012 میں ملالہ یوسف زئی بھی پاکستان کے علاقے مینگورہ میں دہشت گردی کے ایک حملے کا شکار ہوئی تھیں جس کے بعد سے وہ برطانیہ میں مقیم ہیں۔
ایک تبصرہ شائع کریں