اسلام آبا۔(اے پی پی) وزیراعظم کے معاون خصوصی برائے امور نوجوانان عثمان ڈار نے کہا ہے کہ کامیاب جوان پروگرام کے تحت ملک بھر میں کاروبار ی قرضہ جات کی تقسیم میں تیزی لائی جا رہی ہے اور اب تک کامیاب جوانوں میں 22 ارب مالیت سے زائد قرضوں کی تقسیم کا عمل مکمل کرلیا گیا ہے۔کامیاب جوان پروگرام سے خالصتاً میرٹ کی بنیادپر قرضہ جات کی تقسیم کو یقینی بنا تے ہوئےہزاروں نوجوان اس پروگرام کے تحت قرضے حاصل کرکے اپنا کاروبار چلا رہے ہیں۔
اتوار کو اپنے ٹویٹ میں معاون خصوصی عثمان ڈار نے نے قرض حاصل کرنے والے کامیاب جوان کی کہانی ٹویٹ کرتے ہوئے بتایا ہے کہ اسلام کوٹ سندھ سے تعلق رکھنے والے نوجوان راج کمار نے قرض کی رقم سے پھلوں اور سبزیوں کا کام شروع کیا۔
کامیاب نوجوان راج کمار کا کہنا ہے کہ انہیں کاروبار کو وسعت دینے کیلئے سرمایے کی ضرورت تھی اورکامیاب جوان پروگرام سے انتہائی آسانی سے ایک مہینے کےدورانیے میں قرضہ منظور ہو ا۔
راج کمارنے بتایا کہ پہلے سے کاروبار اب بہت بہتر چل رہا ہے جس پر وزیراعظم عمران خان کامشکور ہوں۔عثمان ڈار میں اپنے ٹویٹ میں یہ بھی بتایا کہ ہماری حکومت وزیراعظم عمران خان کی قیادت میں نوجوانوں کی حقیقی ترقی و خوشحالی کیلئے سرگرمِ عمل ہے۔
انہوں نے کہا کہ ملک بھر کے نوجوانوں کے لئے کامیاب جوان پروگرام کے تحت ہر مہینے دو سے تین ارب روپے مالیت کے قرضے منظور کیے جارہے ہی۔
عثمان ڈار نے کہا کہ حکومت نے دو سال کے دورانیہ میں 22 ارب روپے سے زیادہ مالیت کے قرضہ جات کی تقسیم بڑی کامیابی حاصل کی ہے اور انشاء اللہ اس منصوبے سے نوجوانوں کو 100 ارب مالیت کے قرضے دینے کا ہدف مکمل کرینگے۔
ایک تبصرہ شائع کریں